အခက်လေးသွယ်
(၁) သစ္စာလေးပါးတရားတော်
(၂) ပဋိသန္ဓေတည်နေဖြစ်ပေါ်ပုံတရားတော်
(၃) ပဋ္ဌာန်းနှင့်ပဋိစ္စသမုပ္ပါဒ်တရားတော်
(၄) သတ္တ၀ါဖြစ်ပုံတရားတော် ဤတရားတော်လေးပါးတို့ အသိခက်သောတရားများဟူ၍
သမ္မောအဋ္ဌကထာဆရာမိန့် မှာတော်မူခဲ့ပါသည်။ဗုဒ္ဓဘုရားရှင်က သတ္တ၀ါတို့ ကျင်လည်နေကြသော သံသရာကိုအနမတဂ္ဂ(အစ မထင်)ဟူ၍ဟောကြားတော်မူခဲ့ပါသည်။ထိုသို့ ဗုဒ္ဓမြတ်စွာက အစမထင်ဟူ၍ဟောတော်မူခြင်းကြောင့်ဗုဒ္ဓ၏ သဗ္ဗညုတဉာဏ်တော်အား အချို့သောဘာသာခြားများကအပြစ်တင်ကောင်းတင်ဘွယ်ရာရှိပါသည်။သို့ ရာတွင်
ဗုဒ္ဓသည် နတ်ပြည်တွင် တိရစ္ဆာန်ကိုမမြင်၊ငရဲပြည်တွင် လူနတ်ဗြဟ္မာကဲ့သို့  သုဂတိဘုံသားများကိုမမြင်၊သုဒ္ဓါဝါသဗြဟ္မာပြည်တွင် ပုထုဇဉ်သတ္တ၀ါများကိုမမြင်၊ထို့ အတူ ရုပ်သက်သက်ရှိသောသတ္တ၀ါ၊နာမ်သက်သက်ရှိသောသတ္တ၀ါ၊ရုပ်နာမ်
နှစ်ပါးစုံရှိသောသတ္တ၀ါ စသည်ဖြင့် သုံးမျိုးသောသတ္တ၀ါအားလုံးတို့ ၏ အစမှာ ထင်နိုင်ဖွယ်မရှိခြင်းကြောင့် တစ်နည်းအားဖြင့် ပုထုဇဉ်သတ္တ၀ါတို့ ၏ဉာဏ်အမြင်တွင် ရှင်းလင်းစွာနားလည်နိုင်ရန်မလွယ်သောကြောင့် အနမတဂ္ဂ ဟူ၍သာဟောကြားတော်မူခဲ့ခြင်းဖြစ်ပါသည်။
ဥပမာအားဖြင့်ဆိုရသော်----ယနေ့ သိပ္ပံပညာတွင်ပြောဆိုနေကြသော Atom,Nucleus,Neutron,Proton,
Electron,Neutrino,etc; များကိုမြင်တွေ့ ဖူးသောသိပ္ပံပညာရှင် တစ်ဦးတစ်ယောက်မျှမရှိကြဘဲ လက်ခံယုံကြည်နေကြရသည်မှာအကောင်းဆုံးသောသက်သေများဖြစ်ကြပါသည်။ထို့ ထက်ပို၍ဥပမာပေးရပါက ယနေ့ သိပ္ပံက ရုပ်ဆိုသည်မှာ အထည်ဒြဗ်မဟုတ်တော့ဘဲ စွမ်းအင်မျှသာဖြစ်သည်ဆိုသောစကားကို သာမန် အရပ်သား မည်သို့ မျှနားလည်နိုင်စွမ်းရှိမည်မဟုတ်ကြောင်းသိသာနိုင်သကဲ့သို့ ပင်ဖြစ်ပေတော့သည်။
ဤနေရာတွင် အလျဉ်းသင့်၍တင်ပြလိုသည့်အချက်မှာ သိပ္ပံပညာရပ်များအံ့မခန်းတိုးတက်လာသည်နှင့်အမျှဗုဒ္ဓဟောကြားတော်မူထားခဲ့သည့် အဘိဓမ္မာကို ထောက်ခံလျက်သားဖြစ်နေသလောက် အခြားဘာသာများ၏ ထာဝရဘုရားမှာ သိပ္ပံပညာနယ်ပယ်အတွင်း၌နေရာမရှိတော့ခြင်းကို ရှင်းလင်းစွာတွေ့ မြင်လာရခြင်းဖြစ်ပါသည်။
သတ္တ၀ါအစဖြစ်ပုံပြဿနာနျင့်ပတ်သက်၍ နိုင်ငံတော်သြ၀ါဒါစရိယ၊မြန်မာစာသြ၀ါဒါစရိယ၊အဂ္ဂမဟာသဒ္ဓမ္မ
ဇောတိက၊ထီးချိုင့်မြို့၊တည်တောဆရာတော်ကြီး ရေးသားတော်မူထားသော"သတ္တ၀ါအစဖြစ်ပုံ၊ဗုဒ္ဓဘာသာဟူသည်၊
အရိယာဟူသည်" ဆိုတဲ့စာအုပ်မှာ လေ့လာနိုင်ပါတယ်။
No comments:
Post a Comment